ស្នងការរាជធានី៖ ច្បាប់មិនបានបែងចែកវណ្ណៈនោះទេ គឺអនុវត្តដូចគ្នា ស្មើភាពគ្នា ខ្ញុំមិនដែលលើកលែងទេ
លោក ជួន ណារិន្ទ ស្នងការនគរបាលរាជធានីភ្នំពេញ បានបញ្ជាក់នៅលើហ្វេសប៊ុករបស់ខ្លួនថា ឈ្មោះ ហ៊ុន ហេង ត្រូវបានរៀបចំនីតិវិធីបញ្ជូនទៅតុលាការនាព្រឹកនេះ ព្រមទាំងអនុវត្តនៅបទពិន័យនគរបាលជាតិកម្ពុជាដោយបណ្ដេញចេញពីក្របខ័ណ្ឌផងដែរ។
ករណីគ្រោះថ្នាក់ចរាចរណ៌ កាលពីរសៀលថ្ងៃទី១៥ ឧសភា មុខក្រសួងមហាផ្ទៃ បណ្តាលមានអ្នករបួសធ្ងន់ស្រាលនិងបាត់បង់ជីវិត១រូប បង្កឡើងដោយមន្ត្រីនគរបាល រាជធានី ឈ្មោះ ហ៊ុន ហេង ។
