ទីស្តីការក្រសួងបរិស្ថាន៖ នារសៀល ថ្ងៃទី១០ ខែកុម្ភៈ ឆ្នាំ២០២២ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន បានជួបសំណេះសំណាលជាមួយនិស្សិតជ័យលាភីអាហារូបករណ៍ទៅសិក្សានៅអូស្រ្តាលី ចំនួន ១៥នាក់ និងបានផ្តល់ជាអនុសាសន៍ថា ក្រៅពីឱកាសអភិវឌ្ឍន៍សមត្ថភាពខ្លួន ប្អូនៗនិស្សិតក៏ត្រូវចូលរួមលេីកតម្កេីងឧត្តមប្រយោជន៍ជាតិជាធំ។ ឆ្លៀតក្នុងឱកាសនោះ ឯកឧត្តមរដ្ឋមន្ត្រី បានចែករំលែកបទពិសោធន៍សិក្សានៅក្រៅប្រទេសជូនប្អូនៗនិស្សិត ដេីម្បីប្អូនៗត្រូវជឿជាក់លេីខ្លួនឯង មានភាពចាស់ទុំក្នុងជីវិត ចេះថែទាំសុខភាពខ្លួន មេីលថែទាំគ្នាទៅវិញទៅមក បង្កេីនសេដ្ឋកិច្ចគ្រួសារ និងរៀនសូត្រអំពីគោលនយោបាយសាធារណៈ ដែលអាចឈានទៅដោះស្រាយបញ្ហាសង្គមជាតិកម្ពុជា នាឱកាសណាមួយនៅពេលអនាគតផងដែរ។
